manje, lajan kach, ak medikal

Biwo pou Endepandans Ekonomik ki nan Depatman Timoun ak Fanmi Florida (Department of Children and Families Office of Economic Self-Sufficiency) ede pwomouvwa kominote ki solid epi ki gen endepandans ekonomik, pandan l ap detèmine moun ak fanmi nan Florida ki kalifye pou èd alimantè, finansyè ak medikal.

Ki kalite èd Depatman Timoun ak Fanmi ofri?

Gen plizyè pwogram nan Depatman pou timoun ak fanmi ak nan pwogram pou endepandans ekonomik ki kapab ede fanmi nan Florida. Li gen ladan l, Èd pou Manje, Èd Tanporè Lajan Kach, Medicaid ak Èd pou refijye.

Chak pwogram sa yo genyen pwòp règleman pou kalifikasyon pa yo. Florida itilize yon sèl demann pou tout pwogram èd yo.

Afich pou Èd pou Manje - Anglè | Panyòl | Kreyòl

Pòtay pou sèvis lib ki nan Biwo pou Endepandans Ekonomik (Economic Self-Sufficiency, ESS) pèmèt kliyan an konekte avèk enfòmasyon pou èd piblik 24 sou 24 ak 7 jou sou 7.

Pwogram Èd

Pwogram Èd pou Manje ede moun ak fanmi pou yo achte manje nitritif ki nesesè pou kenbe moun an sante epi fè pwomosyon bon sante. Pwogram Èd Tanporè Lajan Kach bay èd finansyè pou fanm ansent ki nan twazyèm trimès gwosès ak pou fanmi ki gen timoun depandan pou ede yo peye lwaye, sèvis piblik ak lòt depans pou kay la. Pwogram Medicaid ofri èd medikal pou ede moun ak fanmi yo kouvri frè sèvis ki nesesè sou plan medikal.

Rezo Patnè Kominotè

Èske w te konnen gen ajans lokal ki nan katye ou a ki fè pati rezo patnè kominotè nou an? Patnè kominotè yo travay avèk pwogram ESS la pandan y ap bay moun ki ap chèche oswa k ap resevwa èd divès kalite sèvis. Klike la pou jwenn patnè kominotè ki nan zòn ou.