Granmoun ki Kapab Travay epi ki Pa gen Depandan (ABAWD)

Kijan m ap fè konnen si mwen se yon ABAWD?

ABAWD vle di granmoun ki kapab ki pa gen depandan. Ou se yon ABAWD si w gen sòti 18 lane jiska 49 lane epi w pa gen dispans poutèt youn nan kritè ki site anba la:

Ou responsab pou okipe yon timoun depandan ki gen mwens pase 6 lane?
Ou responsab pou okipe yon moun ki gen yon andikap, kit w ap viv oswa p ap viv ak moun lan?
Yo detèmine ou yon moun ki pa kapab travay fizikman oswa mantalman (k ap resevwa Revni Sekirite Siplemantè (Supplemental Security Income, SSI), Asirans Sekirite Sosyal pou Moun ki Gen Andikap (Social Security Disability Insurance, SSDI), andikap veteran, oswa andikap prive (tanporè oswa pèmanan)?
Ou pa kapab travay poutèt gen restriksyon fizik oswa mantal (kapab—men ki pa obligatwa pou—gen yon aplikasyon ki ankou pou Revni Sekirite Siplemantè (Supplemental Security Income, SSI), Asirans Sekirite Sosyal pou Moun ki Gen Andikap (Social Security Disability Insurance, SSDI), andikap veteran, oswa andikap prive (tanporè oswa pèmanan)?
W ap resevwa oswa te aplike pou Asirans kont Chomaj?
Anplwaye oswa travayè endepandan, ap travay omwen 120 èdtan pa mwa oswa ap touche $870 chak mwa?
W Ap travay oswa ap fè volontarya omwen 80 èdtan chak mwa?
Yon moun ki konn patisipe souvan nan yon pwogram tretman oswa reyabilitasyon pou dwòg oswa alkòl (Alkolik Anonim (Alcoholics Anonymous, AA), Nakotik Anonim (Narcotics Anonymous, NA), oswa Fwaye Dezenktosikasyon yo pa kalifye)?
Yon etidyan ki te enskri omwen pou demi jounen nan yon lekòl ki rekoni, nan yon pwogram fòmasyon, oswa nan yon enstitisyon fòmasyon siperyè?
Ou respekte Egzijans Pwofesyonèl Èd Lajan Kach Tanporè yo?
W ap viv epi manje ak yon manm nan fanmi w ki gen mwens pase 18 lane?
Èske ou ansent?
Èske w pa gen kay?

Si gen youn nan bagay sa yo ki aplike ak ou menm, ou dwe kontakte DCF. Nou pral konsidere enfòmasyon ou yo pou detèmine si w gen dispans pou w patisipe nan aktivite pwofesyonèl yo.

Kisa sa vle di pou se yon ABAWD pou asistans alimantè?

Si w se yon granmoun ki kapab travay san depandan fizikman oswa mantalman ki kapab travay, epi w p ap benefisye youn nan opsyon yo enimere anwo a, yo pral mande w patisipe nan SNAP (Pwogram Asistans Nitrisyon Siplemantè) Pwogram Fòmasyon ak Travay (SNAP E&T), Komite Devlopman Mendèv Lokal (Local Workforce Development Boards, LWDB) nan Eta Florida yo rele CareerSource. Pou jwenn yon LWDB toupre ou, vizite: https://lcd.floridajobs.org/

Lwa federal yo mande kèk moun k ap resevwa asistans alimantè yo patisipe nan aktivite pwofesyonèl yo. Pwogram SNAP E&T lan ap ede moun k ap resevwa asistans alimantè yo anrejistre epi patisipe nan yon aktivite pwofesyonèl. Si ou kòmanse ap resevwa asistans alimantè epi w dwe patisipe nan aktivite SNAP E&T yo ou pral resevwa yon lèt nan men Depatman Posibilite Ekonomik sou Pwogram SNAP E&T lan. Lèt sa a pral eksplike egzijans aktivite pwofesyonèl yo tankou travay oswa patisipe nan aktivite edikatif yo. Tanpri rasire w swiv enstriksyon ki nan lèt lan oswa asistans alimantè ou an kapab kanpe.
Granmoun ki kapab travay yo dwe travay oswa patisipe nan Pwogram SNAP E&T lan pou omwen 80 èdtan chak mwa. Granmoun ki kapab travay yo ki pa nan SNAP E&T yo kapab sèlman resevwa asistans alimantè pou twa (3) mwa sou yon peryòd tan 36 mwa. Granmoun ki kapab yo epi ki deja ap resevwa asistans alimantè pandan twa (3) mwa sèlman yo ka resevwa ankò lè yo ranpli yon egzanpsyon, ap travay, oswa patisipe nan yon pwogram pwofesyonèl pou omwen 80 èdtan oswa plis swa separeman oswa youn dèyè lòt pandan mwa anvan ou aplike pou asistans alimantè a.

Si ou resevwa yon lèt nan men Pwogram SNAP E&T lan, rele nimewo telefòn ki nan lèt la si ou gen nenpòt kesyon.

Poukisa ABAWD yo dwe konplete egzijans pwofesyonèl yo pou asistans alimantè?

Lwa federal lan mande avantaj asistans alimantè pou ABAWD yo dwe respekte delè ak egzijans pwofesyonèl yo. Delè ak egzijans pwofesyonèl yo pa te obligatwa depi 2009 paske te gen twòp moun ki p ap travay, ki te vin amelyore nan Florida. Men kèk apèsi pwogram lan:

Lwa federal sou Lwa Responsabilite ak Posibilite Travay ane 1996 lan mande pou ABWD yo patisipe nan aktivite ki gen rapò ak travay pou yo resevwa avantaj SNAP yo.
Pandan moman pa gen travay sa a, yo kapab retire egzijans federal lan, oswa mete li apa, etandone se konsa sa ye nan Florida depi 2009.
Depi Premye (1) janvye 2016, Florida te kòmanse sèvi ABAWD yo atravè Pwogram SNAP E&T yo ankò.

Kisa pou mwen ta dwe fè si mwen pa kapab travay?

Ou kapab pa patisipe nan SNAP E&T si ou kapab demontre yon motif ki valab. Motif valab yo gen ladan yo sitiyasyon tanporè yon moun pa kapab kontwole. Men kèk egzanp:

Maladi
Yon lòt moun nan fanmi an ki malad
Ijans familyal

Gen lòt rezon yo kapab konsidere antake motif valab. Si w pa rasire, kontakte DCF epi diskite sou sitiyasyon ou an. Si w poko deklare sitiyasyon ki rann ou pa kapab travay lan, oswa ou panse yo ta dwe retire egzijans pwofesyonèl ABAWD yo pou ou, tanpri deklare sa a nan Kont My ACCESS ou an lè w ap chwazi "Deklare yon Chanjman" oswa kontakte Sant Apèl Kliyantèl lan nan (850) 300-4323.

Kijan yo pral enfòme mwen si mwen gen egzijans pwofesyonèl pou asistans alimantè?

LWDB (CareerSource) pral voye avètisman pa lapòs pou fanmi ki resevwa asistans alimantè ak idantifye tout moun ki gen egzijans pwofesyonèl yo.
Yo pral voye avètisman yo nan kourye lapòs regilye, menm lè w chwazi resevwa avètisman yo anliy nan men DCF.
Lè w fin konplete fòmasyon CareerSource lan, ou pral kapab enskri pou resevwa lòt avètisman nan men CareerSource anliy.
Li enpòtan anpil pou DCF ak CareerSource gen yon adrès postal ki nan dosye a pou fanmi ou an. Ou kapab verifye epi mete adrès DCF gen nan dosye li a ajou atravè Kont MyAccess ou an.

Kiyès pou mwen fè konnen sa si mwen gen yon djòb?

Si w ap travay, avèti DCF sa. Lè w aplike, oswa lè w ap renouvle avantaj asistans alimantè ou yo, si w ap travay mwens pase 80 èdtan chak mwa epi yo idantifye ou antanke yon moun ki ta ka gen egzijans pwofesyonèl, y ap voye enfòmasyon ou yo bay yon LWDB epi yo pral kontakte ou pou kòmanse swiv èdtan travay ou yo oswa egzijans pwofesyonèl ou yo.

Ki obligasyon mwen genyen pou mwen avèti DCF sou tout chanjman mwen fè?

Si yo apwouve w pou jwenn aistans alimantè, ou dwe kontakte DCF pou deklare tout chanjman sa yo nan espas 10 jou aprè chanjman an fin fèt:

Èdtan travay ou yo desann pi ba pase 80 èdtan chak mwa
Revni ou chak mwa depase 130% Nivo Povrete Federal la

Byenke sa pa obligatwa, ou dwe kontakte DCF pou deklare tout chanjman ki fèt nan sitiyasyon fanmi ou ki ta kapab soumèt ou ak egzijans pwofesyonèl (pa egzanp: Avantaj Asirans kont Chomaj ki fini oswa yon timoun ki kite kay lan).

Kisa Komite Devlopman Mendèv Lokal yo ye?

Florida LWDB ede nan bay enfòmasyon sou djòb ki disponib, fòmasyon sou djòb lan, ak sèvis edikasyon epi fòmasyon. ABAWD yo kapab ranpli egzijans pwofesyonèl yo nan plizyè fason lè yo rantre nan sèvis yo ofri nan sant pwofesyonèl LWDB yo. Pou jwenn yon sant pwofesyonèl LWDB toupre ou, vizite: https://lcd.floridajobs.org/

Ki egijans pwofesyonèl ou sipoze genyen pou ka resevwa asistans alimantè ABAWD yo?

Yon ABAWD dwe ranpli egzijans pwofesyonèl yo chak mwa pou kontinye resevwa avantaj asistans alimantè yo. Menm si w pa te ranpli egzijans sa yo, CareerSource pral toujou kontakte ou konsa ou kapab swiv èdtan ou yo. Egzijans pwofesyonèl pou yon ABAWD kontinye resevwa avantaj asistans alimantè yo se:

Ap travay oswa ap fè volontarya pandan 80 èdtan chak mwa
Patisipe 80 èdtan chak mwa nan yon pwogram pwofesyonèl LWDB
Konplete yon seri nan aktivite sa yo pandan omwen 80 èdtan chak mwa

Ou dwe enfòme travayè CareerSource ou an sou èdtan ou yo. Si w pa rive rantre an kontak ak CareerSource sa pral lakòz yo kanpe avantaj yo. Si w deja ranpli egzijans pwofesyonèl lan epi w resevwa yon avètisman pou konplete fòmasyon an, kontakte DCF epi mande espesyalis kalifikasyon an pou li egzamine enfòmasyon referans ou an.

Kisa sanksyon ak limit yo ye epi kijan sa yo afekte yon moun yo idantifye antanke ABAWD?

Si w se yon ABAWD epi w pa konplete egzijans pwofesyonèl yo, oswa pa gen dispans, y ap ba w sanksyon k ap kanpe avantaj asistans alimantè yo. Lè w pa respekte egzijans pwofesyonèl yo, tout mwa avantaj asistans alimantè ou resevwa yo konte antanke peryòd tan limite. Ou kapab benefisye sèlman twa (3) mwa asistans alimantè pandan 36 mwa apati Premye (1) janvye 2018 jiska 31 desanm 2021.

Pandan konbyen tan pou mwen rete tann pou mwen kapab resevwa avantaj mwen yo ankò si mwen pa ranpli egzijans pwofesyonèl yo?

Peryòd minimòm tan datant lan (yo rele sanksyon tou) se yon mwa, men li sòti twa (3) oswa sis (6) mwa si se dezyèm oswa twazyèm fwa ou pa ranpli egzijans pwofesyonèl yo. Aprè w fin pran kantite tan minimòm sanksyon an, ou pral gen bezwen reprann aktivite pwofesyonèl yo avèk CareerSource oswa ou menm pou kont ou avan w aplike ankò.

Kisa mwen ta dwe fè si mwen resevwa yon avètisman ki di yo pral pran mezi pou kanpe avantaj mwen yo apati yon dat epi mwen gen nouvo enfòmasyon pou mwen bay?

Avan yo aplike yon mezi, ou pral resevwa yon avètisman nan men DCF k ap enfòme w CareerSource te detèmine w pa ranpli egzijans pwofesyonèl yo. Yo pral ba ou yon dat limit pou kontakte DCF pou w deklare chanjman ki gen nan sitiyasyon ou oswa yon motif valab pou ou pa ranpli egzijans pwofesyonèl yo. Si ou bezwen deklare nouvo enfòmasyon anvan yon sanksyon rantre an vigè, ou ka deklare yon chanjman nan Kont MyACCESS ou an. Kontakte Sant Apèl Kliyantèl ACCESS lan, oswa vizite yon Sant Sèvis ACCESS oswa yon Patnè Kominotè. Si w bezwen deklare nouvo enfòmasyon aprè dat sanksyon an fin rantre an vigè, ou dwe aplike yon lòt fwa pou avantaj yo nan www.myflorida.com/accessflorida epi yo pral evalye sitiyasyon ou an.

Kisa k ap pase si mwen resevwa yon asistans alimantè pou sèlman twa (3)?

Si ou resevwa sèlman twa (3) mwa asistans alimantè pandan 36 mwa apati premye (1) janvye 2019, jiska 31 desanm 2021, ou pral vin pa kaliffye pou asistans alimantè jiska 36 mwa k ap vini yo; k ap kòmanse premye (1) janvye 2022 , sof si ou kalifye pou yon dispans oswa ou kòmanse travay omwen 80 èdtan nan yon mwa.

Èske mwen kapab tounen kalifye ankò si mwen deja itilize twa (3) mwa limit asistans alimantè yo?

Ou kapab tounen kalifye avan ou aplike ankò, lè w gen yon dispans, oswa pandan w ap fè sa yo:

Ap travay oswa w ap pote w volontè pandan 80 èdtan oswa plis pandan yon mwa avan w aplike ankò
Patisipe nan yon pwogram pwofesyonèl pandan 80 èdtan oswa plis pandan yon mwa avan w aplike ankò
Konplete yon seri eleman ki anwo a pandan 80 èdtan oswa plis pandan nenpòt mwa avan w aplike ankò

Si ou tounen kalifye pandan w ap travay oswa fè patenarya, ou kapab resevwa jiska twa (3) lòt mwa pou peryòd tan limit asistans alimantè pandan w pa gen okenn dispans epi w pa ranpli egzijans pwofesyonèl yo. Yo rele mwa sa yo mwa bonis.

Kisa mwa bonis yo ye?

Si ou se yon ABAWD epi ou tounen kalifye ankò, lè w travay oswa fè volontarya, aprè w fin resevwa twa (3) mwa asistans alimantè pandan peryòd 36 mwa apati premye (1) janvye 2019 jiska 31 desanm 2021, ou ka kalifye jiska yon lòt twa (3) asistans alimantè pandan w pa ranpli egzijans pwofesyonèl oswa pa gen dispans. Yo rele mwa sa yo mwa bonis. Ou pral resevwa mwa bonis yo kote w ap enfòme DCF ou pa ranpli egzijans pwofesyonèl yo oswa ou pa gen dispans.

Mwa bonis yo kapab itilize sèlman yon fwa chak 36 mwa epi ou dwe itlize yo youn aprè lòt. Si w fin itilize yo pandan 36 mwa, ou p ap elijib pou w resevwa yo ankò jiska Premye (1) janvye 2022.

Èske mwen gen dispans pou egzijans pwofesyonèl pandan mwa bonis mwen yo?

Non. Si w pa te ko patisipe nan yon pwogram pwofesyonèl CareerSource, yo pral refere ou nan CareerSource. Se toujou responsabilite pa ou pou ranpli egzijans pwofesyonèl yo lè yo fin refere w nan CareerSource. Yo kapab ba w sanksyon pandan w ap resevwa mwa bonis yo si w pa ranpli egzijans pwofesyonèl yo.

Pandan w ka resevwa mwa bonis yo yon fwa chak 36 mwa, ou ka sèlman resevwa youn (1) oswa de (2) si ou gen sanksyon. Ou p ap kapab itilize mwa bonis ou pa te fin itilize yo, menm si w tounen kalifye ankò avan Premye (1) janvye 2022.

Kisa k ap pase si mwen pa ranpli egzijans pwofesyonèl yo aprè mwen fin itilize mwa bonis mwen yo?

Si w pa ranpli egzijans pwofesyonèl yo oswa pa gen yon dispans aprè w fin itilize mwa bonis ou yo, avantaj ou yo pral kanpe, epi w pral diskalifye pou resevwa asistans alimantè jiska lòt peryòd 36 mwa a k ap kòmanse Premye (1) janvye 2022.

Si w ta renmen resevwa asistans alimantè avan sa, ou pral gen bezwen tounen kalifye avan ou aplike ankò pandan w ap fè bagay sa yo:

Ap travay oswa ap fè volontarya pandan 80 èdtan oswa plis pandan yon mwa avan w aplike ankò
Patisipe nan yon pwogram pwofesyonèl pandan 80 èdtan oswa plis pandan yon mwa avan w aplike ankò
Konplete yon seri eleman ki anwo a pandan 80 èdtan oswa plis pandan nenpòt mwa avan w aplike ankò

Ou dwe ranpli egzijans pwofesyonèl yo oswa ou gen yon dispans pou pa ranpli egzijans pwofesyonèl yo nan moman w ap aplike a pou w ka elijib epi pou w resevwa asistans alimantè.

Si yo idantifye mwen antanke yon ABAWD, èske yo pral chanje kantite avantaj asistans alimantè mwen yo?

Non. Si yo idantifye mwen antanke yon ABAWD sa p ap chanje kantite avantaj asistans alimantè mwen yo.

Èske mwen kapab sòti nan pwogram sa a?

Non. Si yo idantifye ou antanke yon ABAWD, ou dwe ranpli egzijans pwofesyonèl yo. Ou pa kapab sòti si w toujou vle resevwa avantaj asistans alimantè ou yo.

Si mwen se yon ABAWD ki ranpli egzijans pwofesyonèl yo pou pwogram Asistans Alimantè a, èske sa ap afekte kalifikasyon Medicaid oswa Asistans ak Lajan Kach Tanporè (Temporary Cash Assistance, TCA) mwen an?

Moun yo idantifye antanke ABAWD yo pa gen chans pou yo gen Medicaid oswa TCA paske yon moun dwe gen yon andikap oswa gen timoun nan fanmi an pou li kalifye pou resevwa avantaj sa yo.

Kisa mwen dwe fè si mwen paka travay tanporèman?

Ou dwe deklare sitiyasyon ou an bay DCF byen rapid pou sitiyasyon tanporè ou an pou yo ka konsidere ou. Ou ka pa oblije patisipe nan SNAP E&T menm kote a si ou ka demontre yon motif valab. Motif valab yo gen ladan yo sitiyasyon tanporè yon moun pa kapab kontwole. Men kèk egzanp:

Maladi
Yon lòt moun nan fanmi an ki malad
Ijans familyal

Gen lòt rezon yo kapab konsidere antake motif valab. Si w pa rasire, kontakte DCF epi diskite sou sitiyasyon ou an. Si w poko deklare sitiyasyon ki fè ke ou pa kapab travay lan oswa ou panse yo ta dwe retire egzijans pwofesyonèl ABAWD yo pou ou, tanpri deklare sa a nan Kont My ACCESS ou an lè w ap chwazi "Deklare yon Chanjman" oswa kontakte Sant Apèl Kliyantèl lan nan (850) 300-4323.